காலை உணவு

தேநீர் காலை
உளுந்து வடை சில வேளை
பு(ப)கை சில முறை

பரபரப்பான சாலை ஓரம்
சிந்தனைகள் நகர்ந்து வந்த
பேருந்தின் ஜன்னல் ஓரம்

விலகி கொண்டே தூரல்
போட்டேன் இரண்டு முறை
பருகி விட்டேன்

பாவமென்று ஒரு முறையும்
பழக்கமென்று ஒரு முறையும்
மொத்தமுமாய் மூன்று முறை
நனைந்துவிட்டேன் ஈரல் வரை

நுகர்ந்துகொண்டேன் ஆறாம்
விரலை

வியாபாரம் சூடேற , பரபரப்பாய்
கடைக்காரர் புன்னகைத்தார்
காது வரை

வாசம் கொண்டேன் வடை தனிலே

மேற்கே ஒரு பெரிய திருப்பு முனை
முன் தினத்தால் உருவான
முச்சந்தி கடவுளுக்கு
பூசைகள் ஒருங்கேற

காலில் இட்டு நசுக்கி விட்டேன்
கடை மேசையில் காலி பீங்கான்
எண்ணெய் பிழிந்த தினசரி குப்பை

பணப்பையை எட்டி பார்த்து
சில்லறையை தேடி விட்டு
சின்ன புன்னகையிலே கூறினேன்

சற்றே நகர்ந்து யாசகனின்
எதிரில் பட்டேன்
பணப்பையை எட்டி பார்க்காமலே
பொருமிக்கொண்டே கூறினேன்

துவங்கியது
ஒரு காலை